Soft opening sang Mambukal Resort and Wildlife Santuary ang gina lantaw sa tunga-tunga sang bulan sang Abril.
Ini ang ginpahayag ni Negros Occidental Governor Eugenio Jose Lacson kasunod sang abiso sang Tourism Office karon nga padayon pa ang repairs. Suno kay Lacson, sa soft opening naga kasayuran nga bukas ang Mambukal sa mga day activities lang anay kag wala pa sang overnight.
Pero ipasiguro man nga ang padayon nga repair works ang indi maga disturbo sa mga bisita.
Isa sa mga plano sang Mambukal amo ang pag agda man sa mga branded coffee shops nga mag bukas diri.
Sarang naman mabisitahan kag magamit ang iban pa gid nga amenities sa soft opening pero suno sa gobernador indi pa makabukas ang hotel. Kinahanglan pa man nga ma plastar ang personnel kag ang pagdumala sini. Suno kay Lacson ang adjustment sa fees kag rates ang affordable.