Sa Enero 15 plano sang SM Primeholdings Incorporated nga suguran na ang pagpangudal sa Vendor’s Plaza sa kilid sang Manokan Country.
Pero sa meeting upod kay Mayor Albee Benitez kag Punong Barangay Ely Alcantara sang Barangay 12, nagpasalig ang SM nga wala anay sang demolisyon agud matagaan sang panahon nga makapangita sang masaylohan nga ilistaran ang may 140 ka mga pamilya nga apektado sang development project sa Manokan.
Suno kay Alacantara nagpasalig man ang alkalde nga mangita sang balaklon nga lote sa Barangay Vista Alergre para mangin dugang nga relocation area para sa mga qualified sa relocation program.
Sa record sang Bacolod Housing Authority, masobra 30 lang ang na-qualify bangud ang iban natagaan anay sang relocation area kag ang kalabanan mga sharers kag renters.