Pending sa karon kag gina hulat ang affirmation sang National Wages and Productivity Commission para sa Wage Order 30 nga naga mando sang P40 tubtob P45 nga saka sa daily wage sa mga trabahante sa Negros Occidental.
Ginsiling ni Atty Mark Dioquino ang spokesperson sang Regional Tripartite Wages and Productivity Board VI, nga matapos ang affirmation sang NWPC may yara pa sang 15 days para sa publication requirement sang amo nga wage order kag pag katapos sini amo ang pag take effect.
Ang Wage Order 29 sang nagligad nga tuig ang nag take effect November 19, gani sa amo sini man nga petsa ukon pag katapos sini gina lauman nga maga take effect ang bag-o nga wage order.
May mga nag pabutyag man sang kabakala labi na sa management sector nga bahin sa pag patuman sang P40 to P45 nga saka sa daily wage bangud sang mangin epekto sini sa overhead costs, suno kay Dioquino kun may tuyo nga petition nga ma file sarang ini mapatuman sa appeal period ukon sa tion nga matapos na ang publication sang amo nga wage order.
May yara ini dapat sang mga basehan kag mga requirements.
Klaro ni Dioquino ano man ang na aprobahan sang RTWPB ang may yara sang regularity.
“Before ang previous wage board, ang number 29, Nov 19 ang iya effectivity so I-expect naton, gina lantaw man sang Commission, I-expect naton nga after dira nga mga inadlaw pwede siya mag take effect but of course subject kun san-o naton siya I-publish. Ang publication requirement 15 days,” suno kay Dioquino.
[sibwp_form id=1]