Vice President Sara Duterte ang nag bisita sang mga pumuluyo nga apektado sang bulkan Kanlaon kahapon, Miyerkules.
Rice assistance ang gin-distribute.
Sa press conference sang bise presidente iya ginsiling nga luyag niya ma check ang sitwasyon sang mga evacuees nga apat na ka bulan nga naga tenir sa mga evacuation center.
Tig 25 ka kilo sang bugas ang iya nga ginpanagtag sa 2,514 ka displaced families sa La Castellana, La Carlota City kag Canlaon City.
Nag gikan sa isa ka negosyante sa Bacolod suno sa iya ang bugas. Hygiene kits ang ipanagtag man sa mga evacuees suno sa iya.
Ginsiling man sang bise presidente nga ang iya talatapan ang nagahatag sang assistance sa mga evacuees humalin pa sang nagligad nga tuig.
Nalakip sa ila na nga napanghatag ang rice assistance, relief boxes, face mask, bottled water, sleeping mats kag mga habol.