Philippine institute of volcanology sang seismology nagpagwa sang advisory matapos nga nag damo ang mga pagtay-og sa Bulkan Kanlaon.
36 tanan ka mga volcanic earthquakes ukon pagtay-og ang na record sang Kanlaon Volcano Network humalin sang Setyembre 4 sang kaagahon tubtob Setyembre 6 sang aga.
Ini ang rason nga nagpagwa sang Kanlaon Volcano advisory ang PHIVOLCS.
Naga average naman ang volcanic sulfur dioxide gas emission sang Kanlaon sa 412 ka tonelada sa kada adlaw.
Mas manubo naman ini kun ikumpara sa bulan sang Agosto nga naga average sa 623 ka tonelada sa kada adlaw.
Nagapabilin sa Alert Level 1 ang Kanlaon pero kun mag padayon ang pagsaka sa kadamuon sang pagtay-og sa bulkan posible nga ipasaka sa Alert Level 2 ini.
Indi sa gihapon pwede maka sulod sa 4-km permanent danger zone bangud posible ang phreatic eruption.
Indi man pwede maka labay sa ibabaw sang crater sang bulkan ang mga eroplano.