Na-record nga volcanic earthquakes sa bulkan Kanlaon sa nag ligad nga 24 oras ang yara sa 47.
Nagnubo na ini kun ipaanggid sa na-record nga volcanic earthquakes sang nagligad nga Hwebes kag Biyernes nga nagdangat tubtob sa 107.
Pero, Paathag ni Mari-Andylene Quintia, ang resident volcanologist ang 47 ka volcanic earthquakes mataas sa gihapon kay ang average nga naga ka record sa adlaw-adaw ang yara sa 10 volcanic earthquakes.
Sa October 5 nga bulletin, ukon report sa monitoring sa bulkan Kanlaon sa nagligad nga 24 oras, 2,203 ka tonelada sang sulfur dioxide flux ang na-record.
Sa October 4 naman nga monitoring, 60 ang na record nga volcanic earthquakes nga may pito ka minutos nga kalawigon nga volcanic tremor. Nagapabilin sa Alert Level ang bulkan Kanlaon.
“Kay ang daily average naton actually is halos nasa 10 earthquakes per day lang. Naga decline man siya. Ang sulfur dioxide naton is elevated level man siya gihapon. Voluminous sa gihapon ang degassing nga gina pa gwa sang aton nga bulkan. Sa subong ang aton parameters kumbaga naga increas pa siya, mataas pa ang iya nga mga levels,” suno kay Quintia.
[sibwp_form id=1]