Vice Governor Jeffrey Ferrer ang pinaka manggaron nga katapo sang Sangguniang Panlalawigan sang Negros Occidental.
Sa 2020 SALN ukon Statement of Assets, Liabilities and Net Worth report gikan sa talatapan sang SP provincial secretary, 106.5 million pesos ang net worth ni Vice Governor Ferrer.
May pinaka manubo naman nga net worth si Board Member Pocholo Yuvienco sang Sangguniang Kabataan – 555,000 pesos.
Samtang, si Board Member Rita Gatuslao sang 5th District ang ika duha nga may pinaka mataas nga net worth – 36.2 million pesos kag ikatlo naman si 3rd District Board Member Andrew Montelibano nga may 24.3 million pesos nga net worth.
14 sa 16 ka katapo sang sp ang mga may masobra sa isa ka milyon ka pesos ang net worth.