Sumugod la una Miyerkules sang hapon tubtob las 7 karun sa gab-i yara sa red alert ang status ang Visayas Grid kag ipaidalom naman ini sa yellow alert sumugod las 7 tubtob las 9 sang gab-i.
Ini bangud may pagnubo sa supply sang kuryente sa Visayas kag indi ini makasarang sa demand, rason nga nagpagwa sang advisory ang National Grid Corporation of the Philippines.
Sandig sa advisory sang NGCP, yara lang sa 2,429 megawatts ang available capacity sang grid samtang yara sa 2,421 megawatts ang peak demand.
Gani may mga power outages sa nagkalain-lain nga mga areas sa bilog nga Negros tubtob las 8 sini nga gab-i bangud sa Manual Load Dropping nga patigayunon sang NGCP.
May walo man ka planta ang na forced outage sa sini nga bulan kag may walo man sang Mayo. Sa karun may 12 ka planta ang naga-operate apang mas manubo na ang kapasidad sini.
Nagapahandumdum man ang NGCP sa mga konsumedor nga magkinot sa pag-gamit sang kuryente.*
[sibwp_form id=1]