Visayas grid ginpaidalom na sa red alert kay kulang na ang power supply sa Visayas. Ang National Grid Corporation of the Philippines naga abiso na nga posible ang manual load shedding ukon ang mano-mano nga power interruptions sa pila ka areas para mapaigo lang ang nabilin nga power supply.
Sumugod las tres Miyerkules sang hapon, Mayo 13, tubtob las otso sang gab-i ginpaidalom sang NGCP sa red alert ang Visayas Grid.
Ang red alert ang gina issue kun ang power supply indi makaigo para sa kinahanglanon sang mga konsumedor kag ini ang natabo sa Visayas.
2510MW ang kapasidad nga ma produce nga power supply pero ang demand yara sa 2413 MW. Dapat may mabilin nga reserve para kun may mag trip off pa gid nga planta indi apektado ang grid.
May 12 tanan ka mga power plants ang wala naga andar humalin pa sang March 2026, 4 humalin pa sang 2025, 2 halin sang 2023, 2 humalin pa sang 2022 kag 1 humalin pa sang 2021.
May 15 naman ka mga power plants ang naga operate sang mas manubo sang sa ila sini nga kapasidad gani 862.3MW sang kuryente ang indi available para sa grid.
Suno sa NGCP, Yellow Alert naman karon sumugod las otso tubtob las nuebe sang gab-i. Buot silingon indi kalab-ot sa requirement nga power ang gina produce sang mga planta. Ini ang ika duha na nga adlaw nga naka yellow alert ang Visayas.
Ang Talisay Feeder 3 kag Recalamation Feeder 4 ang una nga ginpaidalom sa manual load shedding.
Ang Department of Energy ang nagpanawagan na sa mga planta nga wala naga operate nga magbalik operation kasunod sang kulang nga power supply.*
[sibwp_form id=1]