Ala una subong nga hapon tubtob las diyes karon sa gab-i napaidalom sa Yellow Alert ang Visayas Grid base sa advisory gikan sa National Grid Corporation of the Philippines ukon NGCP.
Ang available capacity nga kuryente sa grid ang yara lang sa 2,713MW samtang ang peak demand yara naman sa 2,523MW. Gamay katama sang nabilin nga reserba nga kuryente sa grid gani ginpaidalom sa Yellow Alert ang Visayas Grid.
Suno sa NGCP may trese tanan ka mga power plants ang nag forced outage ukon wala naka schedule nga mag shutdown samtang lima naman ang naga operate nga may derated capacity ukon manubo sa normal nga gina haboy nga supply sang kuryente.
698MW ang kulang sa karon nga gina haboy sa Visayas grid.
Suno pa sa NGCP bantayan lang ang masunod nga mga announcement kun may ipatuman nga manual load shedding ukon bulos-bulos nga pag brownout sa mga areas sa Visayas.