Nagpadulong na ang una nga batch sang “Visayan Vipers” ukon ang team sang Negros Island Region para sa 66th Palarong Pambansa sa Agusan del Sur.
Ang una nga batch ang naghalin sang Domingo, Mayo 17, kag ang nabilin naman subong nga adlaw, May 18.
Ang Bacolod City delegation ang natalana naman maghalin sa Mayo 20 nga maga labay sa Cagayan de Oro. Ini suno sa Department of Education NIR.
Kabahin sang delegation ang mga atleta, upod ang ila nga mga coach kag chaperone nga una nag padulong sa Cebu kag gikan Cebu ang maga padulong sa Nasipit, Agusan del Norte, kag magapadulong naman sa Bayugan City, Agusan del Sur para sa hinampang nga natalana sa May 24 tubtob 31.
Sang Sabado, si Negros Occidental Governor Eugenio Jose Lacson ang nag panguna sang send-off ceremony para sa Negros Occidental Palaro athletes.
P11.7 million ang ginpain nga pondo para sa mga athletes, coaches, assistant coaches, chaperones, trainers, officials, kag support personnel, nga naga lakip sang concentration training allowances, pre-Palaro activity kag Palaro participation allowances, kasubong man hygiene kits kag parade uniforms.
266 athletes, 43 coaches, 14 assistant coaches, kag 18 ka chaperone ang gikan sa Negros Occidental.
Sila ang ginhatagan man sang transportation assistance, mga sapatos kag uniforms, accommodation, meals, contingency support, kag playing allowances sa pag pasiguro sang ila nga kahandaan para mabuligan man ang ila nga performance sa competition.
Mensahe ni Gov. Lacson sa mga atleta amo nga mangin pursigido sa kumpetisyon kag sa pag tiglawas sang probinsya nga may dungog kag mag hatag sang inspirasyon sa mga Negrense sa pag lab-ot sang mga damgo kag handom.*
[sibwp_form id=1]