Siudad sang Victorias ang naga laum nga sa sini nga tuig tigayon na nga madeclare sila bilang drug-free city.
Suno kay Victorias City Mayor Javier Miguel Benitez, ang mga barangay sang Victorias ang bilog na nga na deklara nga drug free barangays ugaling may bag-o nga rekisitos may kaangtanan sa deklarasyon sang drug-free city rason nga may dugang pa nga iga-comply. Suno kay Benitez ang mga yadtong nag paidalom sa drug rehabilitation ang dapat man mag sulod sa Balay Silangan nga isa ka community based reformation program.
Samtang, ginlagdaan ang isa ka memorandum of agreement sa tunga sang Victorias City, Negros Occidental Provincial Government kag Negros Occidental Drug Rehabilitation Foundation para sa pagpahamtang sang Special Drug Operation Center sa tinutuyo nga mas mapaayo pa gid ang kahimtangan sang mga out of school youth kag street children.