Site icon Digicast Negros

Validity sang manug-expire nga registration kag mga driver’s license ginpalawig

Ginpalawig sang Land Transportation Office ang validity sang registration sang mga salakyan kag mga lisensya nga maga expire sa tion sang pagpaidalom sa isa ka siudad kag probinsya sa modified enhanced community quarantine.

Sa memorandum sang LTO nga naka post sa page sang LTO Region 6, ang validity sang registration sang mga salakyan nga nagatapos sa 6 ang gin extend tubtob August 31, 2021 kag ang nagatapos naman sa 7 ang tubtob sa Setyembre 30, 2021.

Ang validity naman sang student-driver’s permit, driver’s licenses kag conductor’s licenses nga maga expire sa gintalana nga quarantine period tubtob sa July 31, 2021 ang iga extend tubtob sa Setyembre 30, 2021. Ang mga medical certificate naman nga nag expire sa amo nga period ang iga extend man tubtob Setyembre 30.

Suno kay Atty Allan Sacramento ang legal officer sang LTO, regionwide ang memo. Nagakasayuran nga wala man napaidalom sa MECQ ang Bacolod kag Negros Occidental, nalakip ini sa validity extension.

Skip to toolbar