Sa Isa ka open letter para sa Sugarcane Industry kag sa mga stakeholders sini, nag paathag sang iya nga bahin ang bag-o lamang na appoint sa Sugar Board nga si Aurelio Gerardo Valderrama Jr.
Suno kay Valderrama isa ka pagpanghangkat ang higayon nga ginhatag sa iya ni Presidente Ferdinand Marcos, Jr. nga mag serbe bilang planters’ representative sa board sang Sugar Regulatory Administration.
Ginaklaro niya nga wala niya ginhinyo ang amo nga position bisan pa gindumdom ang amo nga posibilidad labi na sa iya nga open support sa kandidatura ni anay Bise Presidente Leni Robredo sa nagligad nga eleksyon.
Sang ginpahibalo siya sang iya nga mga kaupod sa amo nga nomination, nagtinguha sya sa pagpamalibad kag isa sa mga rason nga iya gintudlo amo ang medical condition sang iya nga asawa.
Pero sang ginpahibalo na siya sang Malacanang, ginkabig niya na lamang ini nga “tour of duty”, isa ka higayon nga makapangalagad sa sugar industry. Naka panumdom man gani siya kun ngaa siya ang ginpili kag indi ang yadtong malapit sa administrasyon. Pero mabudlay man suno kay Valderrama ang mag pamalibad sa amo nga lihok sang presidente nga nagapakita sang gina duso sin inga unity.
Suno kay Valderrama may mga naga kwestion sang iya nga appointment kag naga hinyo sang revocation sini.
Sa pahayag nga gin pa gwa ni Vice Governor Jeffrey Ferrer sa katapo sang media, ginsiling ni Ferrer nga bilang loyal supporter ni Presidente Marcos, proteksyonan niya ang presidente labi na sa pagpili sang nagakaigo nga leader para sa sugar industry nga naga deserve sang amo nga appointment.
Suno kay Ferrer hard core nga pink supporter si Valderrama kag nag buya pa ini sang indi maayo nga mga tinaga batuk sa presidente sang kampanya, bagay nga ginpanginwala ni Valderrama damlag pa.
Na provoke ang bise gobernador sa nabuy-an nga sugilanon ni Valderrama isa ka group chat, rason nga siya ang nagaduso sang pag revoke sang appointment ni Valderrama.
“I am here to Protect BBM and the BBM supporters in Negros whose sentiment is likewise paramount on this matter”, suno kay Ferrer.
Isa naman ka Manifesto of Support sang National Federation of Sugarcane Planters, Inc., Confederation of Sugar Producers Association Inc., kag Panay Federation of Sugarcane Farmers Incorporated ang gin pa gwa sini nga adlaw, Agosto 10, para sa appointment ni Valderrama sa sugar board. Ang grupo sa kabilugan ang naga comprise sang 57.48 percent sang sugar production.
“Mr Aurelio J. Valderrama, Jr is an excellent choice to represent the planters as member of SRA Sugar Board. Mr Valderrama adheres to the spirit of teamwork and consultation in matters that affect the industry as a whole”, suno sa grupo.
Indi man problema suno kay Valderrama sa iya kag kun i-buot sang presidente nga mag butang sang iban. Batunon niya ini.
“I will not turn my back on the chance to serve the industry, but I do not wish to burden the President if this has become a problem for him. There is no need for debate or recrimination. I am at the President’s disposal”, suno kay Valderrama.
Si Valderrama ang labing nagapasalamat sa Presidente sa higayon nga ginhatag nga maka serbisyo.