Humalin sang nagligad nga semana nangin masako ang mga vaccination center sa mga mall sa pagsugod man sang pag roll out sang bakuna para sa 5-11 year old pediatric vaccination
May 30 thousand doses sang reformulated vaccines nga nabaton ang siudad.
Pero ginsiling ni dr. Edwin miraflor, oic sang city health office nga indi anay makapadayon ang emergency operations center sa pagpangbakuna sa mga malls bangud sang natalana nga duha ka adlaw nga pag untat byahe.
Ginahulat man sang eoc ang feedback nga maga gikan sa mga kabarangayan para man sa natalana nga vaccination rollout sa madasun semana.
Ginalauman kuntani sang opisyal sang eoc nga mapadasig ang pediatric vaccination para sa natalana nga pagbalik sang face to face classes.
Ang konseho sang siudad ang nag endorso na sang hinyo sang napulo ka mga eskwelahan sa eoc para sa inspection kag evaluation sa tuyo nga makapatuman sang limited face to face classes.