Ini matapos nga nag issue ang Pollution Adjudication Board (PAB) sa ila sang temporary lifting order nga mag operate sa 60 to 70 percent lamang para mabalin nga zero waste.
Ang URC Bais Distillery sa Negros Oriental ang naga produce sang ethanol gikan sa molasses.
Suno kay Department of Environment and Natural Resources Director, Charlie Fabre sang December 28, 2025 pa nag issue ang PAB sang amo nga temporary lifting order kag January 2026 na ini ginpatuman.
Manugtapos na sini nga Marso ang tatlo ka bulan nga ginhatag sa ila kag maga request naman ang URC sang extension para sa amo nga temporary lifting order.
Suno kay Fabre, sa tatlo ka bulan nga pagpatuman sang 60 to 70 percent nga operation, minimal ang waste nga na produce.
October 2025 sang gin-suspend ang operation sang URC matapos maula ang daku nga volume sang spent wash kasunod sang pagkaguba sang bahin sang containment lagoon. Ini ang nag apekto indi lamang sa bahin sang kadagatan sakop sang Tañon Strait, kundi pati na palangabuhian kag turismo sa lugar.
Pending pa sa Prosecutor’s Office sang Bais ang reklamo batuk sa URC nga pagsupak sa Expanded NIPAS Law.
Nalakip sa reklamo ang pag occupy nila nga wala sang PAMB clearance kag ang natuga nga pollution. Suno kay Fabre ang lagoon nga gin gamit ang sakop na sang protected area. Naghinyo sila sang clearance para diri kag sang natabo ang spillage wala pa sila nahatagan sang clearance.*
[sibwp_form id=1]