Turn-over sa tunga sang transition team nanday outgoing Mayor Albee Benitez kag incoming-mayor Greg Gasataya ang natalana sa Hunyo 20.
Pangunahan sang Department of the Interior and Local Government ang official turn-over sa tunga sang Local Governance Transition Team nanday outgoing-Mayor Albee Benitez kag incoming-Mayor Greg Gasataya sa Mayo 20 sa Bacolod City Government Center.
Ginapaabot ni Atty. Mark Steven Mayo nga magapamuno sang transition team ni incoming Mayor Gasataya nga mangin matawhay ang pag turn-over sang mga ginakinahanglan nga dokumento halin sa financial kag mga government assets.
Mangin kaupod ni Mayo sanday anay SK Federation President Ayesha Villaflor kag anay City Treasurer Arlene Memoria bilang kabahin sang transition team.
Samtang, sa Hunyo 25 natalana ang State of the City Address ni Mayor Benitez. Sa Hunyo 28 natalana ang mass oath-taking kag inauguration sang tanan nga mga elected local officials sa Bacolod City Government Center.