Tuman nga pagsaka sa sukot sa overnight parking fee sa Bacolod Silay Airport ang gina reklamo.
Ginapangabay ang pagpatunga ni Bacolod Lone District Representative Albee Benitez kag pag lantaw man sa mga reklamo batuk sa mahal nga pag panukot.
Nagpasar ang Bacolod Sangguniang Panlungsod sang resolution nga naga hinyo kay Benitez sa pag lantaw sa amo nga mga reklamo.
Ang resolution ang gin-author ni Councilor Homer Bais.
Gikan sa 200 pesos sadto nga overnight parking fee karon yara na ini sa P600.
Para kay Bais kinahanglan ini nga mahatagan sang atensyon bangud madamo nga pasahero ang naapektuhan.
Ginsiling man ni Bais, nga luyag nila nga mapahayag ang sentimyento sang publiko kag makapatuman man sang nagakaigo nga solusyon nga balanse man para sa interes sang tagdumalahan sang airport kag sang mga pasahero.
Co-author sang resolution si Councilor Jason Villarosa.*
[sibwp_form id=1]