Personal nga gin baton nanday Moises Padilla Mayor Ella Garcia-Yulo, Bago City Mayor Mae Javellana-Yao, Hinigaran Mayor Mary Grace Arceo, Isabela Mayor Miguel Yulo, Pontevedra Mayor Jose Maria Alonso kag mga tiglawas sang Binalbagan kag La Castellana ang tseke.
Ini ang gikan sa P50 million nga Presidential Assistance Fund nga gin-release sa Negros Occidental. Sa tion nga makumpleto na sang La Carlota City ang mga documentary requirements, iga-release naman ang pondo para sa ila.
Suno kay Governor Eugenio Jose Lacson, kun ipanghatag ini sang LGU bilang financial assistance sa mga apektado dapat indi ini magsobra sa tig P5,000.
Suno kay Garcia-Yulo, magasapol pa ang iya nga banwa sa Hwebes, para makasugtan kun pila gid ang kantidad nga iga release sa mga apektado sa madason nga semana.
Tingbon na nila ang P10M gikan sa PAF nga ginpaagi sa probinsya kag ang separado nga P10M nga gikan man sa PAF nga ila nabaton damlag pa.
Sa pihak nga bahin, ang isa ka ektariya nga duta nga gin-donate gikan sa estate ni Cecilia Montilla Garcia-Golez nga maga serbe relocation site ang sa karon gina subdivide na para sa mga Tino beneficiaries suno sa alkalde.*
[sibwp_form id=1]