Naglinapta ang kinaha sang beer sa dalan nga sakup sang Inawayan Bridge sa Barangay Oringao, Kabankalan City sang Sabado matapos nga natumba ang Wing Van nga may karga nga mga ilimnon.
Bangud sang insidente, natumbahan sang mga kinaha sang beer ang duha ka Suzuki Carry kag isa ka Toyota Wigo. Pati ang kudal sang 77-anyos nga residente ang naguba man.
Makita sa video nga mansig kuha ang mga tawo sang kinaha kag botelya sang beer nga mapuslan pa kag may mga unod.
Nag-gwa sa traffic investigation nga halin sa Kabankalan City kag padulong Dumaguete City ang wing van apang pagkalab-ot sa kurbada nga dalan, naguba ang panel sini kag nagkalahulog ang mga kinaha sang beer sa dalan.
Naiguan ang isa ka Suzuki Carry naga-biyahe sa pihak nga lane.
Ang nagasunod sa multicab kag isa ka Toyota Wigo ang naulamid man. Ang hatchback ang ginamaneho sang 44-anyos nga DepEd supervisor, residente sang Hinigaran.
Nakaangkon man sang damages ang naka-park nga isa pa gid ka multicab sa gutter sang highway.
Ang iban nga nagpanguha sang beer naga panamyaw pa sang Happy New Year samtang naga dala pauli sang kinaha nga beer.*
[sibwp_form id=1]