Duha ka persona ang pilason matapos nga mahulog sa banglid sa kilid sang highway sa Barangay Pandanon sa Don Salvador Benedicto kahapon ang ila nga truck.
Maswerte nga minor injuries lang ang naagum sang driver nga si Renate Meralles kag helper nga si Joelito Tumbado matapos sila nga maka lumpat antes nahulog ang truck.
Sa imbestigasyon sang PNP, padulong San Carlos City ang truck nga may mga karga nga steel products sang hinali na lang mag malfunction ang brake kag nadulaan na sang kontrol ang driver.
Didto kag nag isol ang truck kag nag igu sa railing antes ini nahulog sa banglid. Gilayon man gindala sa ospital ang duha ka sakay.