Pagpalawig sang truck ban ang igapatuman humalin Oktubre 18 kag pati na sa weekend.
Halin 4pm asta 8pm nga truck ban, palawigon sang Bacolod Traffic Authority Office ang truck ban halin 4pm asta 2am.
Magasugod ini Oktubre 18 dungan sa Sari-Sari Store and MassKaravan Concert sang Puregold sa Bacolod City Government Center kun diin maga perform ang grupo nga SB19, Scusta Clee kag Flow G.
Nagapati si BTAO Deputy Chief Jose Antonio Robello nga mas paga dagsaon sang tumalan-aw ang BCGC kag posible mag-gutok ang lakat sang trapiko sa Circumferential Road amo nga ginakinahanglan mapatuman ang truck ban.
Ipatuman ang truck ban sa amo man nga inoras kada weekend karon nga MassKara Festival.
Wala gina-recommend sang BTAO ang pagpatuman sang road closures malapit sa mga festival sites.
Sa Oktubre 20, ginapaabot ang liwat nga pagduguk sang tumalan-aw sa BCGC para sa BingoPlus Day kun diin maga-perform ang singer nga si Moira.
Magabalik man si TJ Monterde upod ang misis nga si KZ Tandingan, Piolo Pascual kag host nga si Maine Mendoza kag ang banda nga Franco.
Sini nga hapon magasapol ang inter-agency committee agud mas mahandaan kag masiguro ang peace and order para sa nagahilapit nga kahiwatan.