Nakaangkon sang igo sang bala sa dughan kag kamot ang biktima nga si alyas “Joffrey”, 44-anyos.
Nag-gwa sa imbestigasyon nga yara sa higad sang dalan ang biktima upod ang iya abyan sang nagpundo sa ila atubang ang duha ka mga suspek sakay sang motorsiklo, kag gintiro ang biktima sang makapila ka beses.
Ginsiling ni Police Lt. Marbert Veloso, deputy chief sang Station 3, ila karon gina-retrieve ang mga CCTV footages malapit sa lugar agud makilal-an ang mga suspek.
Isa sa mga suspek ang nakasuksok sang itom nga jacket kag may helmet, samtang ang isa ang naka-itom nga t-shirt kag may bonnet.
Ginatinguhaan sang kapulisan nga maistorya ang pamilya kun may nahibaluan sila nga mga impormasyon agud makabulig sa pag-pat-od sang motibo.
Tatlo ka empty shells sang .45 caliber ang narekober sa crime scene.*
[sibwp_form id=1]