Patay ang 21-anyos nga lalaki matapos gintiro sang tricycle driver sa Hacienda San Antonio, Barangay Mabini sa Cadiz City sang Sabado.
Nagwa sa imbestigasyon nga nagamaneho sang motor ang biktima nga si alyas “Jay” kag angkas sini ang 15-anyos nga lalaki sang sila ang ginbalabagan sang suspek nga ginkilala kay alyas “Ed”, 42-anyos.
Gintiro sang suspek ang biktima kag nalagyo. Wala naman masamaran ang menor de edad.
Ginsiling ni Lt. Daleen Grace Loreno, deputy chief sang Cadiz PNP nga ang suspek kag ang biktima, taga isa man lang ka barangay kag sila ang naga-updanay sa inom-inom.
Sang kagab-i, nagsungka ang suspek sa kagawad sang Brgy. Daga sa Cadiz kag karon naka-detain sa custodial facility sang Cadiz PNP.
Magapangatubang ang suspek sang kaso nga homicide.
[sibwp_form id=1]