Patay ang tricycle driver matapos ginbuno sang duha ka mga suspek sa Purok Malipayon sa Barangay San Jose sa Sipalay City, Lunes sang gab-i.
Nagkunsabo ang duha ka suspek nga sanday alyas “Jansel” kag alyas “Roben” agud bun-on ang biktima nga si alyas “Michael”. Tanan sila ang pareho residente sang Brgy. San Jose.
Nag-gwa sa imbestigasyon nga nagakay-o sang motor si “Michael” sang siya ang ginkumpronta ni “Jansel” kag sila ang nag-inaway. Gilayon nag-abot si “Roben” kag ginbuno sang kutsilyo sa tiyan ang biktima.
Ginsiling ni Police Lt. Cipriano Lumanog III, deputy chief sang Sipalay PNP, nadakpan ang isa ka suspek nga si “Jansel” samtang at large si “Roben” nga amo ang nangamot sa pagpatay sa biktima. Sila ang magapangatubang sang kaso nga murder.
Ang inaway sang una ang ginalantaw nga motibo sa insidente.
[sibwp_form id=1]