Ini agud nga solusyonan ang problema sang siudad sa pagsupon sang mga suba kag creek nga ginatunaan sang pag-awas sang tubig kon magbunok ang ulan.
Ginsiling ni Atty. Allyn Luv Dignadice, pamuno sang Bacolod Environment and Natural Resources Office nga isa ini sa mga innovation nga ginatutukan sang siudad agud masolusyonan ang pagbaha.
Pagahatagan sang dako nga pagtamud sang siudad ang pagbutang sang trash traps.
Lakip diri ang Maupay Creek sa Barangay 13, Banago Creek sa Barangay Bata kag Barangay Banago Bridge 2, Mambulok Creek sa Barangay 10 kag ang tatlo ka site sang Lupit River sa Taculing-Hernaez Bridge, Singcang-Lupit Bridge, kag Singcang-Alunan Bridge.
Prayoridad sang siudad ang amo nga mga suba bangud ini ang masami nga naga-awas bangud sa kadamuon sang basura nga nagasupon diri.
Sa karon, gina bid palang ang proyekto agud matumod kon pila ang kinahanglan nga mapa-in sang siudad nga pondo para sa pagpatuman sini.
Sa sulod sang duha ka bulan, yara na sa 93,192 cubic meters nga basura ang nakolekta sa bug-os nga siudad.*
[sibwp_form id=1]