Nabalaka ang katapo sang Negros Alliance Transport Coalition nga mahimu indi na makabiyahe ang kalabanan sa ila mga depasahero nga jeep kag bus kun mag lapse na sa Disyembre ang extension of provisional authority nga gin issue sang Land Transportation Franchising And Regulatory Board ukon LTFRB.
Pangabay nila nga ano man ang mangin resulta sang pinili-ay may madangpan sila nga opisina sang LTFRB nga amo ang malawig na nila nga ginalauman nga matukod sa probinsya.
Suno kay Conrado Baliguas, Jr, isa sa mga convenor sang coalition nga wala sila sang mahimu sa ginapatuman sang Department of Transportation nga transport modernization program.
Pero nagalaum sila nga kuntani pwede pa nila ma byahe ang daan nila nga salakyan gamit ang substitute nga makina nga santo sa requirement sang DOTr.