Transport caravan ginhiwat batuk sa natalana nga pagbyahe sang e-jeepney kag pag-operate sang ride-hailing service sa siudad.
Nag-idas ang mga depasahero nga jeep sa dalan Circumferential pakadto sa Bacolod City Government Center para sa ginpanguhan nga transport caravan sang Kabacod Negros Transport Coalition Incorporated ukon Knetco sini lang nga hapon.
Ginpahayag ni Lilian Sembrano, presidente sang KNetco, luyag nila pamatukan ang paghatag sang mga rota sa mga electric jeepney nga ginapaabot magasugod byahe sa Bacolod.
Ila ginapanawagan nga ma-review ang Local Public Transport Route Plan sa tuyo nga indi madulaan palangabuhian ang linibo nga operators kag drivers sang traditional jeepney.
Kaupod sang grupo ang katapo sang Samahan ng mga Taxi Drivers sa Bacolod nga nagapamatuk sa operation sang Grab Car service ilabi na karon nga naka apekto sa ila palangabuhian ang 50 percent discount sang ride-hailing service.
Labi pa nga ginalain sang buot sang mga taxi operators kag drivers ang paghatag sang Bacolod Lgu sang accreditation sa Grab Car service para sa ginapatuman nga MABB Cab service sang siudad.