Ikatlo nga transparency roadshow ang ginsakdag sa Negros Occidental.
Ang programa sa idalom sang Presidential Communications Operations Office ukon PCOO ang naga tuyo sa pagpalapnag sang ihibalo kasubong man pag engage sa komunidad kag nag kalain lain nga mga organisasyon nga naga tiglawas sang national kag local government , civil society, academe, katapo sang media kag ang general public agudto maduso ang responsable nga information sharing.
Ang transparency nga tinutuyo ang labing gina abi abi ni Negros Occidental Governor Eugenio Jose Lacson.
Sa iya nga mensahe ang pag tib-ong sang accountability kag transparency kabahin sa pagsanyog sang isa ka pungsod.
Sa bahin sang Negros Occidental naman, ang digitized programs paagi sa management information systems sini kabahin na sang pag patuman sang transparency.
Suno kay Provincial Administrator Rayfrando Diaz, humalin pa man sadto hayag na sa publiko ang nagakatabo sa panghimanwa kag gina palab-ot nila sa publiko ang mga tinutuyo kag programa para sa mga pumuluyo.
Samtang, nag lagda man sang Memorandum of Agreement ang probinsya sa DOST kag PHIVOLCS naga hatag sang ligwa sa probinsya nga magamit ang ila sini nga mga platforms lakip na ang impormasyon agudto maka patuman sang desisyon santo sa sitwasyon labi na sa tion sang kalamidad.