Transaksyon sa iligal nga droga ang ginatudlo nga rason sa pagpatay sa isa ka lalaki sa Brgy. Tangub sa Bacolod.
Nakaagi na preso sa kaso nga may angut sa iligal nga droga si Christopher Zuñiga.
Si Zuñiga ang gintiro sa may highway sang Araneta sa Brgy. Tangub sa Bacolod sang Sabado.
Suno sa kay Police Captain Greeky Cayao ang Commander sang Police Station 8, 2018 na preso ang biktima kag nakaguwa sang 2023 kay na dismiss ang iya kaso nga may kaangtanan sa iligal nga droga.
Dugang pa ni Cayao, dako ang posibilidad nga may angut sa gihapon sa iligal nga droga ang motibo sa pagpatay sa kay Zuñiga.
Padayon ang ila imbestigasyon sa pagkilala sa suspek nga suno sa PNP posible ka transaksyon niya man sa iligal nga droga.