Silent protest ginhiwat sang katapo sang traditional jeepney transport group sa LTFRB 6 office sa lloilo.
Gin-submit sang katapo sang Kabacod Negros Transport Coalition ang resolution sang konseho sang siudad sang Bacolod sa opisina sang LTFRB 6 sa Iloilo kaina sang aga.
Natuhoy ini sa hinyo nga paghatag sa ila sang panibag-o nga prangkisa.
Ginsiling ni Lilian Sembrano, presidente sang KNETCO, wala pa sang pat-od nga sabat ang pamunuan sang LTFRB sa ila hinyo amo nga temporaryo sila nga nagpatigayon sang silent protest sa gwa sang LTFRB Office 6 tubtob nga makakuha sang sabat halin sa ahensya.
Dugang niya nga malawig na sila nga nagahulat bangud asta karon nagabyahe lang ang ila mga depasahero nga salakyan nga wala sang prangkisa ukon mga colorum.