Nagtukod man sang 7-member tracker teams sa kada police station ang Bacolod City Police Office nga amo ang magabulig sa natukod nga special investigation team.
Suno kay Col. Noel Aliño, officer-in-charge sang BCPO, tutukan sang special investigation team ang mga unsolved cases, lakip na diri mga shooting incident sang tinalikdan nga tinuig.
Upod sa mga tracker teams sang napulo ka mga police stations tinutuyo sang BCPO nga malubad ang mga unsolved cases kabahin na diri ang pagwigit sang mga bangkay kag mga utod nga parte sang lawas sang tawo sa siudad.
Magluwas sa unsolved cases, ginpabaskog man sang kapulisan ang kampanya kontra sa kinawatay sang kable.
Sang Sabado, isa man ka 29 anyos nga lalake ang nadakpan sang ma-recover sa iya ang gina alegar kinawatan nga kable sa Barangay Pahanocoy.