Ginserbehan sang dugang nga warrant of arrest para sa four counts sang qualified rape si alyas “Tatot”, 40-anyos, residente sang San Jose sa Negros Oriental.y
Base sa imbestigasyon, utod nga lalaki ni alyas “Tatot” ang live-in partner sang iloy ka deaf-mute nga iya ginhimuslan.
Matapos mag-report ang iloy sang biktima, gilayon nga nagpatigayon sang hot-pursuit ang San Jose PNP, nadakup ang suspek kag napasakaan sang kaso paagi sa inquest proceeding.
Nag-file liwat sang dugang nga qualified rape charges paagi sa regular filing, ang Women and Children Protection Desk sang San Jose PNP, batuk sa suspek.
Ini matapos ginbulgar sang biktima nga indi lang kaisa kundi makapila ka beses siya nga ginhimuslan sang suspek.
Ginpagwa ni Judge Ethyl Eleccion-Vidal sang Negros Oriental Regional Trial Court, Branch 17, ang arrest warrants ni alyas “Tatot” kag wala sang piyansa nga ginrekomendar ang Korte para sa iya temporaryo nga kahilwayan.
Nakahunong karon ang suspek sa pasilidad sang Bureau of Jail Management and Penology sa Barangay Azagra, Tanjay City, Negros Oriental.