Banwa sang Calatrava kag Toboso ang tubtob sa karon wala tigayon makalambot bisan sa katunga sang ila nga target mabakunahan.
Sa datus sang Provincial Health Office as of July 16, 49.43 percent pa lamang sa target nga mabakunahan sang Calatrava ang nadapatan sang first dose sang Covid vaccine, kag 44.06 percent naman sa target ang nadapatan sang first dose sa banwa sang Toboso.
Ang nabilin nga mga banwa kag siudad yara na sa masobra sa 50 percent sang ila nga target.
Nagapabilin nga top performer ang La Carlota City, Pulupandan, Sagay City, San Enrique, Cadiz, EB Magalona kag Pontevedra. Ini sila ang yara na sa alert level 1.
Suno kay Provincial Administrator Rayfrando Diaz, indi man pwede nga mapilit kag nagapabilin nga voluntary ang pagbakuna pero sa gihapon sa tunga sang pagpanghangkat naga padayon lang ang ila nga kampanya. May tagsa tagsa man ka strategy ang mga lgu nga gina patuman para maduso ang bakuna kontra Covid.
66.04 percent sa karon ang fully vaccinated sa Negros Occidental.