Task Force Spaghetti wires natalana magasapol upod sa mga telcos para sa public hearing sang underground cabling road map.
Kapin sa 700 kilos na ang nakolekta nga kadamuon sang spaghetti wires ukon mga nagalinambod kag nagalaylay nga linya sang kable sa mga poste sumugod nga nag-resume ang operation sang Task Force Spaghetti Wires sa dalan Lacson sang nagligad nga semana.
Sa pag-convene sang katapo sang task force upod kay Mayor Albee Benitez na-istoryahan ang pagpatuman sang four-day work week sa downtown area kaupod ang mga personnel sang telecommunications company.
Nalakip sa prayoridad sang alkalde ang malimpyohan ang mga dalanon sa spaghetti wires nga masami ginhalanin sang disgrasya kag makabig nga eyesore.
Sini nga bulan ginapaabot ang pagpatigayon sang public hearing upod sa mga opisyal kag tiglawas sang telcos para ma-present ang underground cabling road map sang siudad.
Paagi sa ginadihon nga ordinance iga-require ang mga telco nga magpatuman sang underground cabling system agud masolusyunan ang problema sa spaghetti wires.