Digicast Negros

TF Pabahay sa nagapakunu-kuno katapo sang Pabahay Program

Task Force Pabahay nagapaandam sa naga pakunu-kuno nga katapo sang Pabahay Program sa siudad.

Nagsugod na ang orientation sang katapo sang Task Force Pabahay Community Organizers sa ginatus nga mga informal settler families sa may napulo ka mga barangay sa Bacolod.

Ang Bacolod Pabahay  Program ang nagatuyo magtukod sang 10,000 housing units.

Suno kay City Administrator Pacifico Maghari III, base sa ila data may 16,000 na ka mga potential beneficiaries ang nagpaidalom sa screening.

Pero samtang nagapadayon ang proseso nagapaandam siya sa publiko ilabi na sa mga ISF beneficiaries nga maghalong batuk sa posible magapamentaha sa Pabahay Program sang siudad.

Ang Department of Human Settlement and Urban Development ang nagpa-gwa na sang advisory may kaangtanan sa grupo kag indibidwal nga nagapakilala tiglawas sang ginapatuman nga Pabahay Program sang Marcos  administration.

Gindugang ni Maghari nga dapat mangin maid-id ang publiko sa pag-usisa kun may ID ang mga community organizers nga nagakadto sa kabarangayan kag kun mahimu mag-report gilayon sa otoridad.

Exit mobile version
Skip to toolbar