Mas nangin masako karon ang katapo sang Task Force disiplina sa paghinun-anun sa mga pumuluyo bisan sa mga tagdumalahan sang eskwelahan angut sa hugot nga pagpatuman sang pagsulundan karon nga yara sa idalom sang general community quarantine.
Suno kay Wilfredo Geolingo, indi dapat maka-gwa sa mga puluy-an nga mga kabataan nga below 18 ang pang-edaron. Pero madamo sila sang nasaway nga mga bolantero sang merkado kag mga ginikanan nga naga-dala sang mga kabataan sa ulubrahan kag sa iban pa nga kaladtuan.
Nahangpan sang pamuno sang task force nga kadam-an sa mga ginikanan nga masami naga-trabaho ang wala sang mabilinan sang ila kabataan. Amo nga sila na mismo ang nagapangabay nga pangitaan ini sang paagi kag kuntani indi na magpa-ugtas ang masami man nila nga ginasaway sa dalan.
Gina-usisa man karon sang task force kag gina-istorya ang pamuno sang mga buluthuan agud mapaiway ang pagkadto sang mga estudyante sa mga eskwelahan, ilabi sa pagkuha sang modules kag sang pila ka mga dokumento. Ang Bacolod ang nagapabilin sa high risks area sa kampanya sang Department of Health sa Covid-19. Butang nga mas ginahugtan sang task force ang pagpatuman sang ginpagwa nga mandu sang alkalde.