Gin proklamar na kagab-i si Bayawan City Mayor Henry Teves bilang bag-o nga gobernador sang Negros Oriental matapos ini makakuha sang 301,319 votes.
Kaupod ni Teves sa proclaimation kagab-i ang iya man utod nga si Congressman Arnie Teves nga na re elect man bilang 3rd district representative sa Negros Oriental.
Apang gin pahayag sang kampo ni incumbent Governor Roel Degamo nga temporaryo lang ang pagdaog ni teves bangud si degamo amo ang matuod tuof nga nag daog sa piniliay.
Si Degamo ang nakakuha sang 281,773 nga boto pero natalana suno sa iya nga idugang ang boto nga nakuha sang nuisance candidate nga si Ruel Degamo nga 49,953.
Gin pahayag ni Governor Degamo nga siya amo ang matuod nga nag daog sa eleksyon kag klaro nga sa iya dapat maisip ang boto nga nakuha sang nuisance candidate nga may parehos nga ngalan sa iya.
Gin pahayag ni Degamo nga nag decision na ang korte sa pag disqualify sa nuisance candidate nga Degamo kag base sa ruling sang Supreme Court, dapat ang boto makadto sa iya.
Nagfile sang motion for reconsideration suno kay Degamo ang kampo sang gin disqualify apang pending pa ini sa karon gani sila ang nag file naman sang motion for early resolution agud ma execute na ang decision sa Comelec kag ma proklamar na siya bilang matuod tuod nga nag daog nga gobernador sang Negros Oriental.