Patay ang 19 anyos nga pahinante sang refrigerated van samtang lima pa ang pilason matapos maka bunggo sa dump truck ang van sang Sabado sa highway sa Barangay 5 sa Victorias City.
Ang napatay amo si Jun jun Milleza.
Sa imbestigasyon sang PNP, nagadalagan padulong sa sur nga bahin sang dalan ang van nga gina sakyan ni Milleza sang mag malfunction ini kag nadulaan sang kontrol ang driver.
Didto kag nag swerve sa tuo ang van. Natumba ini kag nag bunggo sa naga sugata nga dump truck.
Dead on arrival sa ospital si Milleza.
Pilason naman ang driver sang van pati na ang driver sang dump truck kag tatlo sini ka pasahero.
Gin-detain man ang driver sang dump truck sa Victorias PNP.