Nagpangayo sang pasaylo ang 18-anyos nga vlogger, nga nagtampuyong sa ido para sa iya content, bangud suno sa iya, wala siya makahibalo sang laye nga nagapangapin sa mga kasapatan.
Ginpatawag sa opisina ni Cauayan Mayor John Rey Tabujara ang nasambit nga small time vlogger. Siya ang ginpaathagan sang mga konsekwensya sang iya ginhimo kag ginpaidalom sa counseling angut sa animal rights.
Naghingyo ang Provincial Veterinary Office nga i-surrender sa ila ang ido nga yara sa video pati na ang iban pa nila nga hinuptanan sa panimalay agud mapasiguro nga mahatagan ang mga ini sang insakto nga pag-atipan.
Nagpirma sa barangay hall sang Mambugsay sa Cauayan ang vlogger nga nagapamatuod sang ila kooperasyon kag pagsunod sa panugda sang PVO.
Naga-obra bilang mangunguma kag tapasero ang lalaki kag suno sa iya, tungod sa kapigaduhon, nagsulod ini sa content creation sa paglaom nga maka-sweldo paagi sa social media kag makabulig sa ila adlaw-adlaw nga panginahanglanon.
[sibwp_form id=1]