Sa bulig sang mga residente nga nag hatag sang impormasyon sa kapulisan, natukiban sang kahapon sa Purok Mahiropay, Barangay taba-ao sa siudad sang Sagay ang mga tanum sang marijuana malapit lang sa balay sang naaresto nga suspek.
Ang naaresto si Mark Gerald Maru, 19 anyos, nga suno sa pulis isa sa naga panag-iya sang tanum. At large naman ang iya upod nga si Mercelino Maru.
Apat ka fully grown suspected marijuana plants ang nakita sa lugar kag pito pa ka mga magagmay nga tanum.
Gin panggabot naman sang kapulisan ang ini nga mga tanum.
Detained na karon ang teenager kag kaso nga pag lapas sa RA 9165 ang ipasaka batuk sa iya kag sa nakapalagyo sini nga upod.