Nadakpan sang mga pulis ang tanod nga si Joselito Salioc nga nagpatay sa iya bilas sa Barangay 10 sa Victorias sang Miyerkules.
Didto na siya sa Kabankalan City nadakpan kahapon nga adlaw. Didto siya nagpanago matapos mahimo ang krimen.
Ang biktima ang iya lang man nga bilas nga si Emily Lorega. Gintiro siya sang suspek samtang nagapakaon sa iya nga apo.
Gina-alegar nga hubog ang suspetsado sang natabo ang insidente kag nagpalagyo matapos magpaniro.
Ginsiling sang PNP nga naglalisay ang duha kag wala na nakapugong pa ang suspek kag ginluthang si Lorega kag naigo ini sa dughan nga gintunaan sang iya kamatayon.
Iya man gin ako nga may relasyon sila sang biktima.