Nagpahanumdom na si Bacolod City Police Office Director Police Colonel Joeresty Coronica sa tanan nga PNP stations sa Bacolod makaligad sang na-monitor nga presensya sang armado nga grupo sa area sang Police Station 10.
Ginsiling niya nga ginpa-alerto na ang tanan nga pulis para mas mabinantayon sa ano man nga posible pagpang-atake.
May posibilidad suno sa iya nga ang ginatukod nga solar power plant ang mahimo isa sa mga target sang armed group.
Dugang pa niya nga indi malipod nga masami kadungan sang ginahimo nga pagpamahug sang armado nga grupo ang magpamentaha paagi sa pagkolekta sang extortion money sa mga kumboyahan.
Gani nagapahanumdom siya sa mga tagdumalahan sang mga kumpanya nga indi gid maghatag sang ano man nga sahi sang suporta ilabi na sa mga ginakabig katapo sang mga terorista.