Sa tagsa ka mga distrito na ang payout para sa AICS educational assistance sang DSWD kag na sila magbaton sang mga walk-in applicants.
Wala pa sang napat-ud nga venue ang DSWD sa tagsa ka mga distrito sa Negros Occidental lakip na sa Bacolod para sa ikaduha nga payout schedule sang educational assistance sa Sabado.
Sa Facebook page sang DSWD Western Visayas nagpa-alinton sila nga kutob sa mga nagkadto sa mall pero napaslawan magkuha sang ayuda amo ang pila sa ila tagaan sang prayoridad.
Nakuha sang ahensya ang contacts numbers sang mga yadtong ginpapuli gani magahulat na lamang sila sang pahibalo pinaagi sa text para sa ila nga payout schedule. Indi mag-accomodate sang walk-ins ang DSWD.
Sa baylo ang mga naka rehistro pinaagi sa link nga https://bit.ly/dswdfo6EducAssistance kag nakabaton sang text amo ang pwede makakadto sa mga payout venue.
Kabahin ini sang tikang agud man mapaiway ang pagdinaguso sang mga aplikante para ginapatuman nga Assistance to Individuals in Crisis Situation program sang DSWD.