5 ka kilo sang shabu nga gina bulubanta naga balor sang 34 milyones pesos ang na recover sg Philippine Drug Enforcement Agency sa buybust operation nga ginpatigayon sa Brgy Old Poblacion, sa Escalante City mga las dose kagab-i
Ang suspetsado ang ginkilala kay Vicente Sepuesca, residente sg Brgy Sum-ag sa siudad sang Bacolod.
Suno kay Agent Bamboo, assistant provincial officer sang PDEA, naga bIyahe gikan sa Cebu si Sepuesca agud magkuha sg supply kag nagabalik sa Negros paagi sa syudad sg Escalante agud mapasulod ang ilegal nga droga sa probinsya. Nasulod ang shabu sa mga bulutangan sang tsaa.
Dugang pa niya, wala man sg ihibalo ang PDEA kon diin nga bahin sg probinsya dal-on ang supply.
Suno sa PDEA ginakabig nga high-value target si Sepuesca kag ila pa hibaluon kon my record na angut sa ilegal nga droga.
Yara na siya sa kustodiya sg Escalante PNP kag pasakaan sg kaso nga pagsupak sa RA 9165.