Digicast Negros

Swab samples gikan sa southern Negros igatalana sa molecular lab sa Valladolid District Hospital

Capitol photo

Sumugod subong nga adlaw ang mga swab samples sang mga banwa kag siudad sa sur nga bahin sang Negros Occidental ang iga-test na sa laboratory sa Valladolid.

Ini ang isa sa mga gintalakay kahapon sang gobernador sa mga alkalde sang probinsya.

Sarang nga maka process sang 2,000 tests sa isa ka adlaw ang Safeguard DNA Diagnostics Incorporated Laboratory sa Valladolid.

Suno kay Provincial Administrator Rayfrando Diaz sa karon gina amat amat lang anay.

Tinutuyo sang amo nga lihok nga ma decongest ang laboratory sa Teresita Lopez Jalandoni Provincial Hospital.

Sa sini nga pamaagi ang TLJPH lab na ang magasalo sang tanan nga tests sang mga maga abot nga travelers sa probinsya kag ang target nga ma-release ang ila nga mga result sa 24 oras.

Samtang, suno kay Diaz sa mga lgu sa sur nga bahin sang probinsya, sa kada magpositibo, sarang nga maka pa test sang napulo sa mga gincontact trace sa amo nga lab. Ang probinsya ang magabayad sini.

Ang masobra sa napulo, ang LGU na ang maga bayad sang test.

Exit mobile version
Skip to toolbar