Suspension sa natalana nga plebisito para sa joint venture agreement sang Central Negros Electric Cooperative kag Primelectric ginahinyo ni Mayor Albee Benitez upod sa pila ka alkalde.
Suno kay Benitez may mga member-consumers sang CENECO nga wala madala sa voter’s list para sa plebisito. Ang iban patay na kag dapat na kuntani makakas sa listahan.
Amo nga para man sa alkalde dapat nga ma suspend anay bisan isa ka bulan ang plebisito agud matigayon ang cleansing sang voter’s list.
Sa Hulyo 8-9 ang extended schedule sang plebisito.
Plano man sang pamunuan sang Ceneco nga ma reschedule ang na suspend nga plebisito sang Hulyo 1 kag 2 matapos gin-lift sang korte ang na issue nga Temporary Restraining Order ukon TRO nga ginhinyo sang katapo sang Anti-JVA coalition.
Sang Hunyo 29 gin dismiss man sang korte ang separado nga request for TRO nga gin-file sang member- consumers organization batuk sa kasugtanan sang distribution utility kag Primelectric.