Suspended nga anay OBO OIC liwat ginpapanaugan suspension; pag-file sang criminal case batuk sa iya gin-recommend

Liwat nga ginpapanaugan sang preventive suspension ang anay Officer-in-Charge sang Office of the Building Official ukon OBO nga si Engr. Isidro Sun kag ginrekomendar man ang pagpasaka sang criminal charges batuk sa iya.

Gin kumpirmar ni City Legal Officer Atty. Karol Joseph Chiu nga ginpasakaan sang kaso si Engr. Isidro Sun may kaangtanan sa under-declaration sang floor area sang isa ka negosyo sa Barangay Cabug, Bacolod City sang 2024.

Gikan sa masobra 4,000 sqm nga floor area, kapin 2,000 sqm lamang ang gin-deklarar, nga nagresulta sa daku nga pagnubo sang ginbayaran nga business kag occupancy permits.

Si Engr. Sun amo ang nag-approve kag nagpirma sang assessment, orders of payment, kag certificate of final inspection. Bangud sini, ginpasakaan siya sang administrative charges kag ginpapanaugan sang 60-day preventive suspension without pay.

Ginatan-aw man sang Bacolod City Government ang pagpasaka sang criminal case nga falsification of public documents batuk sa iya kag sa isa ka retired OBO employee.*

[sibwp_form id=1]