Gintiro sang motorcycle-riding suspects ang 53-anyos nga tricycle driver sa Purok Señora, Barangay Salvacion sa banwa sang Murcia, Martes sang aga.
Gindala sa ospital si alyas “Tampol” apang gindeklarar nga dead on arrival. Siya ang nakaangkon sang igo sang bala sa iya ulo kag lawas.
Si “Tampol” ang gintudlo ni alyas “Diego”, 29-anyos, nga amo ang nagsugo sa iya nga patyon ang 82-anyos nga lalaki sa Barangay Handumanan, Bacolod City sang naligad semana.
Nagsungka sa otoridad si “Diego” nga taga Brgy. Salvacion sa Murcia, isa ka adlaw matapos ang krimen sa Handumanan, apang nakagwa matapos mag-lapse ang reglementary period.
Ginsiling ni Police Col. Eugene Rebadomia, pamuno sang Bacolod City Police Office, nagpa-interview sa isa ka radio station si alyas “Tampol” agod klaruhon ang iya ngalan kag ipanginwala nga wala siya sang kahilabtanan sa pagpatay sa tigulang.
Apang pagkasunod nga mga inadlaw, siya naman ang ginpatay.
Suno kay Rebadomia, makabig karon nga “person of interest” si alyas “Diego” sa kamatayon ni alyas “Tampol.”
[sibwp_form id=1]