Wala pa matumod sang Kabankalan PNP kun ano ang motibo sa pagpatay sa 50 anyos nga si Jennifer Binggaan.
Si Binggaan ang nakit-an sang iya himata nga nasulod sa sako sa idalom sang iya katre kag yara na sa advanced state of decomposition Miyerkules sang aga sa Purok Luyang, Brgy. Oringao Kabankalan City.
Suno kay kay Police Captain Sammy Gasataya, Deputy Chief of Police sang Kabankalan Police Station, wala pa sila sang may nakita nga motibo sa krimen kag wala man sang saksi nga makahatag impormasyon para mapadasig ang paglubad sa kaso.
Dugang pa ni Gasataya sa nakuha nila nga impormasyon nga kun mahubog ang biktima may pagka basa baba ini, gani posible nga gin dumtan sang iya naka engkwentro.
Samtang ginahulat nalang sang kapulisan ang resulta sang post mortem examinition agud mahibalu-an kun ano ang gin tunaan sang kamatayon sang biktima.